وەزارەتی نەوتی عێراق داهاتی مانگی رابردووی فرۆشتنی نەوتی بڵاوکردەوە، بەپێی داتاکان نزیکەی 100 ملیۆن بەرمیل نەوت فرۆشراوە و داهاتەکەی زیاتر لە هەشت ملیار دۆلار بووە.
بەپێی ئاماری کۆتایی کە لەلایەن کۆمپانیای بەبازاڕکردنی نەوتی عێراق (سۆمۆ) بڵاوکراوەتەوە، بڕی هەناردەی نەوتی خاو 99 ملیۆن و 868 هەزار و 29 بەرمیل بووە، داهاتەکەشی هەشت ملیار و 189 هەزار و 602 دۆلار بووە.
ئەوەشی خستووەتەڕوو، کۆی بڕی هەناردەکراوی نەوتی خاو بۆ مانگی تشرینی دووەم لە کێڵگە نەوتییەکانی ناوەڕاست و باشووری عێراق 97 ملیۆن و 204 هەزار و 696 بەرمیل بووە، هاوکات بڕی هەناردەکراوی نەوتی کەرکووک لە ڕێگەی بەندەری جەیهانەوە دوو ملیۆن و 363 هەزار و 20 بەرمیل بووە.
وەزارەتەکە ئاماژەی بەوەشکردووە، تێکڕای نرخی هەر بەرمیلێک 82 دۆلار بووە.
