بەڕێوەبەرایەتيی گشتيی دژەتیرۆر، بەهاوبەشی هێزەکانی هاوپەیمانان و دژەتیرۆری عێراق ئۆپه‌راسیۆنێکی بەرفراوانیان لە سنووری قەزای حەویجە ئەنجامدا و دەستگیرا بەسەر چەندین مۆڵگەی تیرۆریستانی داعش و پارچە چەکدا.
بەڕێوەبەرایەتيی گشتيی دژەتیرۆر رایگه‌یاند، پاڵپشت بە زانیارییە هەواڵگرییەکان و بەدواداچوون و لێکۆڵینەوەی ورد لەسەر جموجۆڵی پاشماوەکانی تیرۆریستانی داعش لە سنوری قەزای حەویجە – کەرکوک، ئۆپه‌راسیۆنی زەمینی و ئاسمانی هاوبەشی هێزەکانی دژەتیرۆر- CTG، دژەتیرۆری عێراق- ICTS بە پاڵپشتی هێزەکانی هاوپەیمانان بۆ سەر مۆڵگەکانی داعش لەو ناوچە ئەنجامدرا.
لە ئۆپه‌راسیۆنەکەدا دەستگیرا بەسەر چەندین حەشارگە و پارچە چەک و تەقەمەنیدا کە ئامادەکرابوون بۆ ئەنجامدانی کردەوەی تیرۆریستی، وه‌ك ئه‌وه‌ى له راگه‌یه‌ندراوه‌كه‌دا هاتووه.
ده‌شڵێت، چەندین مۆڵگەی تیرۆریستان خاپورکران و پیلانەکانیان شکستپێهێنرا کە مەرامیان بوو چەندین کردەوەی تیرۆریستی لە سنووری کەرکوک، حەویجە و سەلاحەدین ئەنجامبدەن.
