بەیانیی ئەمڕۆ لە شاری مەککەی سعودیە بارانێکی بەخووڕ بووەهۆی دروستبوونی لافاو و رێگەی سەرەکیی نێوان ئەو شارە و جدەی داخست، بەیانیی ئەمڕۆ عەمرەکاران لەژێر بارانێکی بەخووڕدا سرووتەکانیان بەجێگەیاند.
دەستەی ئەمارەتی ناوچەی مەککە بڵاویکردەوە، بەهۆی بارانی بەخووڕ و لافاوی زۆرەوە ڕێگەی سەرەکیی نێوان مەککە و جدە داخراوە و ئاو لە کۆڵانەکاندا کۆبووەتەوە و لافاو دروستبووە.
هەروەها لە گرتە ڤیدیۆییەکدا کە لە میدیایی سعودیەدا بڵاوکراوەتەوە، دەردەکەوێت عەمرەکاران لەژێر بارانێکی بەخووڕدا سروتە ئاینییەکان بەجێدەگەیەنن.
