ژمارەیەك فەرمانبەر لە فەرمانگەكانی پارێزگای سلێمانی، بەشداریی خوولی فێربوونی زمانی ئاماژەیان كردووە بۆ ئەوەی كاری وەرگێڕان بۆ نابیستان بكەن.
خوولەكە بە هاوكاریی وەزارەتی كار و كاروباری كۆمەڵایەتیی هەرێمی كوردستان و رێكخراوی سی دی ئۆ و وەزارەتی دەرەوەی ئەڵمانیا رێكخراوە و ماوەی چوار مانگی خایاندووە.
بەشداربووانی خوولەكە فێری “زمانی ئاماژە” بوون و لە چەند فەرمانگە و دامەزراوەیەكی حكومی و كەرتی تایبەتدا كاردەكەن، هەوڵەكە بۆ ئەوەیە فەرمانبەرانی خاوەنبیست و هاوڵاتییان و سەردانكەرانی نابیست لە فەرمانگە و دامەزراوەكاندا بە سانایی لە یەكدی تێبگەن و كاری وەرگێڕان بۆ زمانی جەستە بۆ نابیستان بكرێت.
