شارەوانیی سلێمانی رایگەیاند، فرۆشتنی شیرینیی سەر عەرەبانەکانی قەدەغەکردووە و هۆکارەکەشی بۆ ناتەندروستی و بەسەرچوونی ئەو شیرینییانە گەڕاندەوە.
لە راگەیەندراوی سەرۆکایەتیی شارەوانیی سلێمانیدا هاتووە، بە هاوکاریی بەشی پۆلیسی شارەوانیی سلێمانی، بڕیاری قەدەغەکردنی فرۆشتنی شیرینیی سەر عەرەبانەکانیان دا، راشیگەیاندووە، ئەو شیرینییانە بەشێوەی نا تەندروست و ماوە بەسەرچوو هەڵدەگیرێن و دەفرۆشرێن.
ئاماژە بەوەشکراوە، هەڵمەتەکە لە چێوەی رێکخستنەوەی شەقام و بازاڕ و شوێنە گشتییەکاندا بووە، لەئەنجامی ئەو سەرپێچی و زیادەڕۆییانەی، کە بەشێک لە كاسبكاران بەهۆیەوە جەنجاڵی و ئاستەنگیی هاتووچۆ، بۆ هاوڵاتییان دروستدەکەن.
