بانكێكی جیهانی پێشبینیدەكات نرخی نەوت بە رادەیەكی زۆر بەرزببێتەوە و بەرمیلێكی بگات بە 110 دۆلاری ئەمریكی.
بانكی “مۆرگان ستانلی” شیكارییەكی بۆ بازاڕی وزە كردووە و رایگەیاندووە، لە ماوەی چەند مانگی داهاتوودا، نرخی نەوت بەرزدەبێتەوە بۆ نزیكەی 110 دۆلار بۆ هەر بەرمیلێك.
هۆكاری بەرزبوونەوە پێشبینیكراوەكەی نرخی نەوتی خاو، زۆریی خواست و بووژانەوەی بواری فڕۆكەوانی و سووككردنی رێكارەكانی بەرەنگاربوونەوەی كۆرۆنایە لە چین، كە وایكردووە ئەو پیشەسازییانەی وڵاتی چین كە نەوتی خاویان تیادا بەكاردەهێنرێت ببووژێنەوە و خواستی زیاتر لەسەر نەوت سەرهەڵبداتەوە.
مارتین راتس شیكەرەوەی نەوتە لە بانكی “مۆرگان ستانلی” و پێشبینیدەكات لە نیوەی دووەمی ساڵی داهاتوودا، خواست لەسەر نەوتی خاو زیاترببێت و خستنەڕوو كەمببێتەوە و بەوەش نرخەكان بەرزببنەوە.
