وەزیری دارایی عێراق، واژووی لەسەر خەرجکردنی مووچەی مانگی چواری مووچەخۆرانی هەرێم کرد.
میدیای یەکێتی بڵاویکردەوە، لەئێستادا نووسراوی خەرجکردنی پارەی مووچەی مووچەخۆران، لای تەیف سامی، وەزیری دارایی عێراق نەماوە و رەوانەی بانکی ناوەندیی عێراق کراوە بۆ دەستکردن بە تەمویلکردنی پارەی مووچە.
لە ناوەڕاستی مانگی پێنجداین و تائێستا، مووچەی مانگی چواری مووچەخۆران دابەشنەکراوە؛ پێشتریش میدیا عێراقییەکان باسیانلەوەدەکرد، هۆکاری دواکەوتنی مووچەی ئەو مانگە، بوونی ناوی دووبارە لە لیستی مووچە و کێشە لە بڕی داهاتی ناوخۆی هەرێم بووە.
