لە چێوەی یارییەکانی قۆناغی چارەکی کۆتایی مۆندیالی قەتەر 2022، هەڵبژاردەی مەغریب ڕۆڵی ئەسپی ڕەشی گێڕا و بردنەوەی بەرامبەر پۆرتوگال تۆمارکرد.
ئەمشەو هەینی، لە یاریگای (استاد الثمامە) و لە چێوەی یارییەکانی قۆناغی چارەکی کۆتایی مۆندیال، هەڵبژاردەکانی پۆرتوگال و مەغریب ڕووبەڕووبوونەوە.
هەڵبژاردەی مەغریب بەردەوامی دا بە سوپرایزەکانی و توانی بە ئەنجامی گۆڵێکی بێوەڵام یارییەکە بباتەوە.
گۆڵەکەی “شێرەکانی ئەتڵەس” لە خولەکی 42 لەلایەن یوسف ئەلنسەیری-یەوە تۆمارکرا.
بەپێی ئەنجامە تۆمارکراوەکە، مەغریب سەرکەوتنی بۆ قۆناغی نیوەی کۆتایی مسۆگەرکرد، لە قۆناغی داهاتووشدا بەرامبەر براوەی یاریی نێوان فەرەنسا و ئینگلتەرا یاریدەکات.
