لیستی یاریزانەكانی بەرشلۆنە بۆ یارییەكەی دینامۆكیێڤ بڵاوكرایەوە و چوار یاریزانیش لە پێكان چاكبوونەتەوە.
سێرجی بارخوان ڕاهێنەری كاتیی بەرشلۆنە لیستی یاریزانەكانی بۆ یارییەكەی بەرامبەر یانە ئۆكرانییەكە بڵاوكردەوە، كە بڕیارە سبەی كاتژمێر 11:00ی شەو بەڕێوەبچێت.
لە لیستەكەدا ناوی هەریەك لە یاریزانان دێمبیلی، فاتی، ئاراوخۆ و دی یۆنگ دەبینرێن.
بەڵام هەرسێ یاریزان، ئەگوێرۆ بەهۆی كێشەی دڵییەوە، سێرجی ڕۆبێرتۆ بەهۆی نائامادەیی جەستەییەوە و پیكێ بەهۆی پێكانی ماسولكەییەوە لە یارییەكە دوورخراونەتەوە.
بەرشلۆنە لە سێ یاریی ڕابردووی كۆمەڵەكاندا تەنها سێ خاڵی كۆكردووەتەوە و پێویستی بە بردنەوەیە، خوازیاریشە بەنفیكا بە بایرن میونشن بدۆڕێت.
