به‌ڕێوه‌به‌رایه‌تیی گشتی چاكسازیی كۆمه‌ڵایه‌تی بڵاویکردەوە، مانگی رابردوو 629 مامه‌ڵه‌ی ئازادبوونی سزادراوان له‌ناو چاكسازییه‌كانی هه‌رێم ئه‌نجامدراون.
بەڕێوەبەرایەتیی گشتی چاکسازیی کۆمەڵایەتی ئەمڕۆ سێشەممە بڵاویکردەوە، ” له‌مانگی تشرینی دووه‌می ئه‌مساڵ له‌ناو به‌ڕێوه‌به‌رایه‌تیه‌كانی چاكسازی گه‌وران و ژنان و منداڵان له شاره‌كانی هه‌ولێر، سلێمانی، دهۆك 629 مامه‌ڵه‌ی ئازادبوونی سزادراوان ئه‌نجامدراوه و گه‌ڕاونه‌ته‌وه ناو كه‌سوكار و خانه‌واده‌كانیان”.
ئاماژەی بەوەش کرد، “ژمارەی ئازادکراوان، له‌چاكسازییه‌كانی گه‌وران 36 مامه‌ڵه و له چاكسازییه‌كانی ژنان و منداڵان 267 مامه‌ڵه بووه”.
ئاشکراشی کرد، “هەر لەو ماوەیەدا 666 سزادراوی نوێ هاتوونه‌ته ناو چاكسازییه‌كان بۆ به‌سه‌ربردنی ماوه‌ی حوكمه‌كانیان، كه له چاكسازییه‌كانی گه‌وران 411 مامه‌ڵه و له چاكسازییه‌كانی ژنان و منداڵان 255 مامه‌ڵه بووه”.
