بەیانی ئەمڕۆ تەقینەوەیەک لە ناو پاسێکی گواستنەوەی فەرمانبەران لە ئەفغانستان روویدا و بەپێی ئامارە سەرەتاییەکانیش زیاتر لە نۆ کەس بوونەتە قوربانی.
ئەمڕۆ سێشەممە محەمەد عاسف وەزیری وتەبێژی پۆلیسی هەرێمی بەلخی باکوور رایگەیاند، “بەیانی ئەمڕۆ بۆمبێک بە پاسێکی گواستنەوەی فەرمانبەرانی کۆمپانیای نەوتی باکوور تەقیوەتەوە بەپێی ئامارە سەرەتاییەکان لانی کەم پێنج کەس مردوون و چوار کەسی دیکەش برینداربوون”.
ئەمە لە کاتێکدایە، ماوەی چەند مانگێکە تەقینەوە تیرۆرستییەکان لە ئەفغانستان بە شێوەی بەرچاو زیادیان کردووە، کە زۆرینەیان رێکخراوی تیرۆرستی داعش بەرپرسیارێتی خۆی لێیان راگەیاندووە، بەڵام تا ئێستا هیچ لایەنێک بەرپرسیارێتی تەقینەوەکەی بەیانی ئەمڕۆی لە ئەستۆ نەگرتووە.
