دۆزینەوەی تەرمی كچێكی تەمەن حەوت ساڵ، كاردانەوەی فراوانی لێكەوتووەتەوە و چۆنێتیی ئەنجامدانی تاوانەكە بە “سەرسووڕهێنەر” ناودەبرێت.
ئەسینا ستراند ناوی قوربانییەكەیە، بكوژەكە شۆفێرە و دانی بە “تاوان”ـەكەیدا ناوە، بەڵام چۆن ئەو كارەی كردووە؟.
بەپێی راگەیەندراوی پۆلیسی باكووری تەكساس، تانەر هۆرنەری تەمەن 31 كە شۆفێری گەیاندنی پۆستەیە، ئەسینای لە ماڵەكەی خۆیان رفاندووە و دواتر كوشتوویەتی.
تانەر دانی بەوەدا ناوە كاتێك پۆستێكی گەیاندووە بە ماڵی ئەسینا، كچە تەمەن حەوت ساڵانەكەی بینیوە و رفاندوویەتی، دواتر كوشتوویەتی و لە شوێنێكی نزیك ماڵەكەیان تەرمەكەی بەجێهێشتووە.
دیارنەمانی منداڵەكە، سەدان ئەفسەر و كارمەندی پۆلیس و خۆبەخشی خستبووە گەڕان بە دوایدا، تا دواتر بكوژەكە دەستگیركراوە و دانی بە تاوانەكەیدا ناوە و شوێنی تەرمەكەی نیشانی پۆلیس داوە، وەك پۆلیسی باكووری تەكساس ئاشكرایكردووە.
