ڕێژەیەکی زۆری هاندەرانی ئارسیناڵ پێیانوایە، کاتەکە گونجاوە بۆ ئەوەی ئیدارەی یانەکەیان گرێبەست پێشکەشی کریستیانۆ ڕۆناڵدۆی پۆرتوگالی بکات.
دوای ئاشکرابوونی پێکانی گابریێل جیسۆزی بەڕازیلی بە درێسی هەڵبژاردەی بەڕازیل و دوورکەوتنەوەی بۆ سێ مانگ، بەشێکی زۆری هاندەرانی یانەی ئارسیناڵ لە تۆڕە کۆمەڵایەتییەکان هاشتاگی کریستیانۆ ڕۆناڵدۆ-یان کردووە، داوا لە ئیدارەی “گانەرز” دەکەن گرێبەست پێشکەشی ئەفسانە پۆرتوگالییەکە بکات.
With this Jesus injury being at least 3 months, could we see Ronaldo to arsenal on a 6 month contract
— CallumClymer🐓🇮🇱 (@callumclymer) December 4, 2022
هاندەران پاڵپشتی پێرس مۆرگانی ڕۆژنامەنووسی ناوداری بەریتانییان بەدەستهێناوە، بەتایبەت کە کریستیانۆ گرێبەستی لەگەڵ یانەی مانچستەر یونایتد هەڵوەشاندووەتەوە و لە مێرکاتۆی زستانەوە گواستنەوەی بێبەرامبەرە.
هاندەرانی ئارسیناڵ جەختیان لەوە کردووەتەوە، کە دوورکەوتنەوەی جیسۆز بۆ سێ مانگ ماوەیەکی دوورودرێژە و چارەسەر ئەوەیە بۆ ماوەی شەش مانگ ڕێککەوتن لەگەڵ “سی ئاڕ 7” بکرێت.
