ئامادەکارییەکانی یانەی بەرشلۆنە بۆ وەرزی نوێ بەردەوامە، چاڤی هێرناندێز لیستی داواکراوانی پێشکەشی خوان لاپۆرتا و هاوکارانی کردووە.
فرۆشتنی فرینکی دی یۆنگ دۆخی دارایی یانەی بەرشلۆنە دەبووژێنێتەوە، دەکرێت لەدوای فرۆشتنی ئەو یاریزانە چەند گرێبەستێک لەلایەن یانە کەتەلۆنییەکەوە واژۆ بکرێت.
ڕۆژنامەی “ئەی ئێس”ی ئیسپانی بڵاویکردووەتەوە، چاڤی هێرناندێز لیستی داواکراوانی پێشکەشی ئیدارەی لاپۆرتا کردووە، لیستەکەش چەندین یاریزانی بە ئەزموون و بەتوانای تێدایە.
داواکراوانی ڕاهێنەری بارسا نۆ یاریزانە، کە دەکرێت چەندینێکیان دابین بکرێن، پێکهاتوون لە، ئەندرێس کریستنسن (چێڵسی)، فرانک کیسی (میلان)، سیزار ئازپیلیکوێتا (چێڵسی)، مارکۆس ئەلۆنسۆ (چێڵسی)، ڕافائێل (لیدز یونایتد)، جول کوندی (ئیشبیلیە)، مارتین زوبیمێندی (ڕیاڵ سۆسیداد)، کارلۆس سۆلێر (ڤالێنسیا)، ڕۆبێرت لیڤاندۆڤسکی (بایرن میونشن).
