ئەستێرەی هەڵبژاردەی فەرەنسا، کیلیان مباپێ تاوەکو ئێستا لە هیچ کۆنگرەیەکی ڕۆژنامەوانیدا دەرنەکەوتووە و بە نیازیش نییە درەبکەوێت.
ڕۆژنامەی “ئەی ئێس”ی ئیسپانی ئاشکرایکردووە، لە دەستپێکی مۆندیالی قەتەرەوە تاوەکو ئێستا کیلیان مباپێ لە هیچ کۆنگرەیەکی ڕۆژنامەوانیدا دەرنەکەتووە، تەنانەت لە کاتی بەڕێوەچوونی یارییەکانیشدا کە ڕۆژنامەنووسان دەبینێت ڕادەکات و ئامادە نییە وەڵامی تەنها پرسیارێک بداتەوە.
سەرچاوەکە زانیویەتی، کە یاریزانەکە بە ئەنقەست وا دەکات و دەشزانێت لەگەڵ ڕووبەڕووبوونەوەی لەگەڵ ڕۆژنامەنووسان، ڕاستەوخۆ پرسیاری دەربارەی داهاتووی لە پاریس سان جێرمان و هەوڵەکانی ڕیاڵ مەدرید لێدەکەن، ئەویش نایەوێت بەم بابەتە ببێتە کێشە بۆ ستافی فەرەنسا.
“ئەی ئێس” نووسیویەتی، لە پێشوودا یاریزانان هۆکاربوون بۆ شکستی فەرەنسا لە مۆندیالەکانی 2010 و پاشان 2014، بۆیە نایەوێت بەهۆی کێشەیەکی تایبەتییەوە سەرنجی خۆی و هاوڕێکانی بەلای بابەتە دەرەکییەکاندا ڕابکێشێت.
