نرخی زێڕ و بەهای دۆلار بەرزبوونەوە، بەڵام نەوتی خاو دابەزی.
ئەمڕۆ پێنجشەممە نرخی زێڕ لەسەر ئاستی ئاسیا بەرزبووەوە بۆ هەزار و 793.30 دۆلار، بەوەش بەرزترین نرخی ماوەی زیاتر لە دوو مانگی رابردووی تۆماركرد.
هاوكاتی بەرزبوونەوەی نرخی زێڕ، ماوەی چەند رۆژێكە بەهای دۆلاری ئەمریكی لە بازاڕەكانی عێراق و هەرێمی كوردستان بۆ بەرزترینی دوو ساڵ بەرزبووەتەوە و 100 دۆلاری ئەمریكی بەرامبەر بە 149 هەزار و 650 دینارە. 100 یۆرۆ بە 155 هەزار و 500 دینارە و 100 پاوەند بەرامبەر بە 180 هەزار دینارە.
جیاواز لە زێڕ و دۆلار، نرخی نەوتی خاو پاشەكشەیكردووە و بەرمیلێك نەوتی خاوی برێنت بۆ 86.70 دۆلار دابەزی، نەوتی خاوی تەكساسی ئەمریكیش بەرمیلێكی بە 80.39 دۆلار مامەڵەی پێوەدەكرێت.
