هاتوچۆی دەربەندیخان رایدەگەیەنێت، رێگای سەرشاخ بەڕووی بارهەڵگردا داخراوە و داواش لە شۆفێری ئەو جۆرە ئۆتۆمبێلانە دەكات رێگایەكی دیكە بەكاربهێنن.
بەڕێوەبەرایەتیی هاتوچۆی دەربەندیخان رایگەیاند، لەئێستادا رێگای سەر شاخ بەڕووی بارهەڵگرەکاندا داخراوە و دەتوانن بەشێوەی كاتی رێگاکانی دیكە بەکاربهێنن، چونکە لەكاتی باراندا توانای سەرکەوتنیان نیە.
هەروەك باس لە رووداوێك دەكات و دەڵێت، ئەم ئێوارەیە ئۆتۆمبێلێکی بارهەڵگر سەرپێچی دەکات و لە رووی ئەودیوەوە بەرەو دەربەندیخان دێت لەکاتێکدا هەمووان دەزانن بارهەڵگر کە لە سلێمانیەوە دێت دەبێت بەڕێگای ناوتاقدا بێت نەک چیای بەرانان. هەربۆیە ناتوانێ سەربکەوێت و مەقەست دەکات و دوای چەندین کاتژمێر بە هاوکاری کارمەندانمان توانرا بارهەڵگرەکە بەڕێبخرێتەوە.
داواش لە شۆفێران دەكات تا دەتوانن لەکاتی باراندا رێگای سەرشاخ بەکارنەهێنن، چونکە “ناتوانن سەربکەون و مەترسیداریشە”.
