بافڵ جەلال تاڵەبانی لەپەیامێکدا بەبۆنەی ساڵی نوێی 2022وەوە پەیامێکی بڵاوکردەوە و ڕایگەیاند لەم بۆنەیەدا تەئکیددەکەینەوە لە یەکخستنی ھەوڵەکانمان بۆ یەکڕیزیی نیشتمانی و تەبایی نێو ماڵی کورد بۆ ڕووبەڕووبوونەوەی ئاڵنگارییەکان لە پێناو سەرخستنی ھەنگاوەکانی چاکسازی و زیاتر خزمەتکردنی خەڵک.
بافڵ جەلال تاڵەبانی پیرۆزبایی ساڵی نوێ لە خەڵکی کوردستان دەکات و دەڵێت، “ھیوام وایە بە خێر و شادییەوە بەرەو ساڵێکی ئارامی سیاسی و ئابووری و کۆمەڵایەتی ھەنگاوبنێین و ھەموولایەکمان لە کەشێکی کامەرانیدا ژیان بەڕێبکەین”.
ڕاشیگەیاندووە، “لەم بۆنەیەدا تەئکید دەکەینەوە لە یەکخستنی ھەوڵەکانمان بۆ یەکڕیزیی نیشتمانی و تەبایی نێو ماڵی کورد بۆ ڕووبەڕووبوونەوەی ئاڵنگارییەکان لە پێناو سەرخستنی ھەنگاوەکانی چاکسازی و زیاتر خزمەتکردنی خەڵک و خۆشگوزەرانیی زیاتر و پێکھێنانی حکومەتێکی کارا لە عێراق، کە بتوانێت وەڵامدەرەوەی خواستی ھەموو نەتەوە و پێکھاتە و ئاینزاکان بێت”.
جەختدەکاتەوە، “ئێمە لە یەکێتیی نیشتمانیی کوردستان ھەموو ھەوڵێکمان ڕوو لە بنیادنانی حکومڕانییەکی تەندروست و خزمەتگوزار و ڕاستکردنەوەی ڕێڕەوی ئیداری و ڕێکخراوەییە تا حزب لە خزمەتی ھەمووان بێت بێ جیاوازی”.
