لە چێوەی یارییەکانی گەڕی دووەمی قۆناغی کۆمەڵەکانی مۆندیالی قەتەر 2022، هەڵبژاردەی مەغریب بردنەوەی بەرامبەر هەڵبژاردەی بەلجیکا تۆمارکرد.
ئەمڕۆ یەکشەممە، لە یاریگای (استاد الثمامە) و لە چێوەی یارییەکانی گەڕی دووەمی قۆناغی کۆمەڵەکانی مۆندیال، هەڵبژاردەی مەغریب بە ئەنجامی دوو گۆڵی بێبەرامبەر بردنەوەی بەرامبەر بەلجیکا تۆمار کرد.
گۆڵەکانی مەغریب لە خولەکەکانی 73 و 90 لەلایەن عەبدولحەمید سابری و زەکەریا ئەبو خەلالەوە تۆمارکران.
ئەنجامە تۆمارکراوەکە ڕیزبەندیی کۆمەڵەکەی ئاڵۆز کرد، مەغریب بە کۆکردنەوەی چوار خاڵ چووە پلەی یەکەم، هەڵبژاردەی بەلجیکا بە سێ خاڵ دەکەوێتە پلەی دووەمەوە، بڕیاریشە ئەمشەو لە هەمان کۆمەڵەدا کاتژمێر (07:00) بە کاتی هەرێمی کوردستان کرواتیا و کەنەدا ڕووبەڕووببنەوە.
