بە راپۆرتێكی بنكۆڵكاری لەسەر بەدەستهێنانی رەگەزنامەی دووەم لەلایەن هاوڵاتییانی كوردستانەوە، رۆژنامەنووسێكی كورد دەبێتە براوەی خەڵاتی باشترین راپۆرتی بنکۆڵکاری بۆ ساڵی 2022 له عێراق.
دامەزراوەی (چاوی رۆشنبیری و هونەر)ی عێراقی لە بەغداد پێشبڕكێیەكی ئەنجامدا و رۆژنامەنووس (سەلاح حەسەن بابان) بە راپۆرتێكی بنكۆڵكاری بەشداری تیاكرد.
لیژنەی هەڵسەنگاندن بەسەرۆکایەتیی غانم حەمید، هونەرمەندی گەورەی عێراق بڕیاریدا ڕاپۆرتەكە كە بە ناونیشانی، “الجنسیة الثانیة تفقد كردستان العراق ملیارات الدولارات.. استثمار و ترفیه لاثریائه و سیاسییه و فرصة لجوء لفقرائه” وەک باشترین راپۆرتی بنکۆڵکاری بۆ ساڵی 2022 لە عێراق لە نێوان چەندین راپۆرتی دیکە کە لەو پێشبرکێدا بەشداربوون دەستنیشان بكات.
راپۆرتەكە بە سپۆنسەریی دامەزراوەی “نیرج” و بەهاوبەشی لەگەڵ رۆژنامەی (العالم الجدید) ئامادە و بڵاوكراوەتەوە.
