خواردنی خواردەمەنیی خێرا، پەیوەندیی بە ئازارەوە هەیە و جەستە والێدەكات زیاتر و زووتر هەست بە ئازار بكات، وەك لێكۆڵینەوەیەكی نوێی زانستی ئاشكرایكردووە.
لێكۆڵینەوەكە لە ئەمریكا كراوە، ئەنجامەكەی ئاشكرایكردووە، “تەنانەت ئەگەر تەندروست و جەستە رێك و لاوازیش بیت، خواردنی خواردەمەنیی خێرا دووچاری چەندین نەخۆشی و گرفتی تەندروستیت دەكاتەوە”.
كەڵەكەبوونی كۆلیسترۆڵ لە خوێنبەرەكاندا، تەنها تووشی جەڵتەت ناكات، بەڵكو دەبێتەهۆی هەوكردنی جومگەكان و هەستكردن بە ئازار لەو بەشانەی جەستەدا، بەشێك لە ناوەڕۆكی لێكۆڵینەوە ئەمریكییەكە وا دەڵێت و روونیكردووەتەوە، چەورییە تێرەكان لە خوێندا پەیوەندیی لەگەڵ خانە دەمارەكاندا دەگرن و بەوەش مرۆڤ دووچاری دۆخێك دەبێت زووتر و زیاتر هەست بە ئازار لە بەشەكانی جەستەیدا لەوانە جومگەكان بكات.
ئەو لێكۆڵینەوە زانستییە لە داڵاسی ئەمریكا كراوە، بۆ ماوەی هەشت هەفتە ژمارەیەك مشك و جرج خراونەتەژێر تاقیكردنەوەوە و خواردەمەنیی خێرا و چەوریان دەرخوارد دراوە، بە ئامێری تایبەت چاودێریی كراون و دەركەوتووە زیاتر هەست بە ئازار دەكەن.
