چاڤی هێرناندێزی ڕاهێنەری یانەی بەرشەلۆنە، لە یاریگای “البیت” ئامادە دەبێت بۆ چاودێریکردنی یاریی نێوان هەڵبژاردەی وڵاتەکەی بەرامبەر ئەڵمانیا.
ڕۆژنامەی “مۆندۆ دیپۆرتیڤۆ” ئاسکرایکردووە، چاڤی لە یاریی نێوان ئیسپانیا و ئەڵمانیا لە یاریگای (البیت) ئامادە دەبێت، ئامانجی ئامادەبوونیشی لە وڵاتی قەتەر بۆ چیژوەرگرتنە لە یارییە مێژوویەکە، هەروەها لە نزیکەوە بەدواداچوون و چاودێریکردنی تواناکانی ئیلکای گوندۆگانی ئەستێرەی هەڵبژاردەی ئەڵمانیا.
گوندۆگانی یاریزانی مانچستەر سیتی، بژاردەیەکە بۆ بەهێزکردنی هێڵی ناوەڕاستی بەرشلۆنە لە وەرزی داهاتوو.
یاریزانەکەی “دای مانشافت” تەمەنی 32 ساڵە و هاوینی 2023 گرێبەستەکەی لەگەڵ سیتی کۆتاییدێت و دەبێتە یاریزانێکی ئازاد.
