بافڵ جەلال تاڵەبانی سەرۆکی یەکێتی نیشتمانیی کوردستان پرسەنامەیەکی ئاڕاستەی فەرید ئەسەسەرد سکرتێری ئەنجومەنی سەرکردایەتیی یەکێتی کرد و رایگەیاند، ئێوە نموونەی بەرزی تێکۆشان و قوربانیدانن لەپێناو کوردستاندا.
بافڵ جەلال تاڵەبانی سەرۆکی یەکێتی نیشتمانیی کوردستان ئەمڕۆ چوارشەممە پرسەنامەیەکی ئاڕاستەی فەرید ئەسەسەرد سکرتێری ئەنجومەنی سەرکردایەتیی یەکێتی کرد کە تێیدا هاتووە، ” بۆ کۆچی دوایی خاتوو (ژیان محەمەد)ی هاوسەرتان، پرسە و هاوخەمی قووڵی خۆمان ئاڕاستەی ئێوە و بنەماڵە تێکۆشەرەکەتان دەکەین، کە نموونەی بەرزی تێکۆشان و قوربانیدانن لەپێناو کوردستاندا”.
لە بەشێکی دیکەی پرسەنامەکەیدا هاتووە، “لە خوای گەورە داواکارین رۆحی کۆچکردوو شاد بکات و ئارامی بە هەموو لایەک ببەخشێت”.
بەیانی ئەمڕۆ ژیان محەمەد عەلی هاوژینی فەرید ئەسەسەرد سکرتێری ئەنجومەنی سەرکردایەتیی یەکێتیی نیشتمانیی کوردستان لە شاری سلێمانی کۆچی دواییکرد.
