گەورە كاربەدەستێكی ڕێكخراوی تەندروستیی جیهان دەڵێت، “ڤاكسینی دژ بە كۆرۆنا كۆتایی بە پەتاكە ناهێنێت و پێویستە دەمامك بپۆشرێت.”
دكتۆر مایكڵ ڕایان، بەڕێوبەری جێبەجێكاری پرۆگرامی فریاگوزاری لە ڕێكخراوی تەندروستی جیهان ئەمڕۆ 6ی كانونی یەكەم ڕایگەیاند، “ڤاكسینەكان بە واتای كۆتاییهاتنی كۆرۆنا نایەن، بەكارهێنانی ڤاكسینەكان ئامرازێكی سەرەكی و كاریگەرە بۆ ڕبەڕوبوونەوەی پەتاكە و دەچنە پاڵ ئامرازەكانی تر، بەڵام ناتوانن كۆتایی بە ڤایرۆسەكە بهێنن، هێشتا پێویستیمان بە بەكارهێنانی دەمامكە.”
لێدوانەكەی ئەو گەورە كاربەدەستەی ڕێكخراوی تەندروستیی جیهان دوای ئەوە دێت لە ماوەی ڕابردوودا ئەمریكا و ڕوسیا، دروستكردن و ئامادەبوونی دوو ڤاكسینیان بۆ ڕوبەڕوبوونەوەی كۆرۆنا ڕاگەیاند.
