محەمەد شیاع سودانی سەرۆك وەزیرانی عێراق، فەرمانیكرد ئەو ئۆتۆمبێلانەی كە لە عێراق دروستكراون بفرۆشرێن.
وەزیری پیشەسازیی عێراق دەڵێت، سەرۆك وەزیران فەرمانیكردووە ئۆتۆمبێلی عێراقی بفرۆشن و ئۆتۆمبێلی زیاتر دروستبكەن.
خالد بەتال نەجم وەزیری پیشەسازیی عێراق ئاشكرایكرد، نرخی ئۆتۆمبێلەكانی عێراق بە 60 ملیار دینار دەخەمڵێندرێن و لە لایەن كۆمپانیای گشتیی پیشەسازیی ئۆتۆمبێلەوە دروستكراون.
وتیشی، لە كاتێكدا نرخ و بەهای ئەو ئۆتۆمبێلانەی لە عێراق دروستكراون 60 ملیار دینارە، كۆمپانیای گشتیی پیشەسازیی ئۆتۆمبێل پێویستی بە پارەیە بۆ دروستكردنی ئۆتۆمبێلی دیكە و دابینكردنی خەرجی، بۆیە سەرۆك وەزیران فەرمانیكردووە ئۆتۆمبێلەكان بفرۆشرێن.
بەپێی راگەیەندراوێكی وەزارەتەكە، وەزیری پیشەسازیی عێراق فەرمانیكردووە لە سبەینێ یەكشەممەوە دەوامی كارگەر و كارمەندانی كۆمپانیای دروستكردنی ئۆتۆمبێل لە بابل بۆ 100% زیادبكرێت و ئۆتۆمبێلی زیاتر دروستبكەن.
