ئیدارەی یانەی بەرشلۆنە بە درێژایی ماوەی مۆندیال سەرنج دەخاتە سەر (10) یاریزان، لە ئەگەری سەرکەوتنیاندا گرێبەستیان پێشکەش دەکرێت.
بەپێی زانیارییەکانی ڕۆژنامەی “موندۆ دیپۆرتیڤۆ”، بەڕێوەبەرانی بەرشلۆنە لە ماوەی بەڕێوەچوونی مۆندیالی 2022ی قەتەردا چاودێری ئاستی (10) یاریزان دەکەن.
یاریزانەکان پێکهاتوون لە: دیێگۆ دالۆت، تۆماس مونیێ، بنجامین پاڤارد، خوان فۆیس، ئیڵکای گۆندوگان، یوری تێلیمانس، بێرناردۆ سیلڤا، مارکۆ ئاسینسیۆ، یوسوفا مکۆوکو، ڕافائێل لیاو.
سەرچاوەکە جەخت لەوە دەکاتەوە، کە ئیدارەی بارسا پێشوەختە پەیوەندییان بە لێپرسراوی کارەکانی تۆماس مونیێی بەلجیکی-یەوە کردووە، کە لە پێگەی بەرگری باڵی ڕاست یاریدەکات، هەروەها پێویستیان بە دوو یاریزانی دیکە لە پێگەکانی ناوەند و سەنتەری بەرگریکردندا دەبێت.
