پێکدادان لە نێوان فڕۆکەیەک و ئۆتۆمبێلێكی ئاگرکوژێنەوە روویدا و دەیان قوربانی لێکەوتەوە

لە فڕۆکەخانەی لیمای پایتەختی پیرۆ لە کاتیی نیشتنەوەیدا فڕۆکەیەک خۆی کێشا بە ئۆتۆمبێلێکی ئاگر کوژێنەوەدا و بەهۆیەوە زیاتر لە 60 کەس بوونە قوربانی.

وەزارەتی تەندروستیی پیرۆ بڵاویکردووەتەوە، “لە رووداوی پێکدادانی نێوان فڕۆکەیەکی نەفەرهەڵگر و ئۆتۆمبێلێکی ئاگرکوژێنەرەوە، دوو کەس گیانیان لەدەستداوە کە کارمەندی ئاگرکوژێنەرەوە بوون، 61 کەسیش بە برینداری گواستراونەتەوە بۆ نەخۆشخانەکان و برینی ژمارەیەکیان سەختە.

لای خۆیەوە هێڵی ئاسمانی لاتام کە خاوەنی فڕۆکەکەیە ئاماژەی بەوە کرد، “نازاندرێت لە کاتی رووداوەکەدا ئەو ئۆتۆمبێلی ئاگرکوژێنەوەیە بە چ هۆکارێک چووەتە سەر رێڕەوی نیشتنەوەی فڕۆکەکە”.

لەمساڵدا ئەمە دووەمین رووداوە کە بەسەر هێڵی ئاسمانی لاتامی چیللی دێت، لە رووداوی یەکەمیاندا بە ناچاری لە فڕۆکەخانەیەک نیشتەوە و تووشی زیانێکی ماددی زۆر بوو.

 

بابەتی پێشتر

تەرمی قوربانییانی رووداوەكەی سلێمانی بەخاكسپێردران

بابەتی دواتر

كۆچبەرێك لە رێگادا بەرەو ئیتاڵیا گیانیلەدەستدا

بابەتی پەیوەندیدار
Total
0
Share