بەیانی ئەمڕۆ تەرمێكی دیكە لە ژێر سەقفی خانووە ڕووخاوەكە لە گەڕەكی كازیوەی شاری سلێمانی بەهۆی تەقینەوەكەی شەوی ڕابردووەوە دەرهێندرا.
پەیامنێری تۆڕی میدیایی ئێستا لە شوێنی ڕووداوەكەوە گواستییەوە، تیمەكانی بەرگریی شارستانی، تەندروستی بە هاوكاریی هێزە ئەمنییەكان تەرمێكی دیكەیان لە ژێر سەقفی خانووە ڕووخاوەكە دەرهێنا.
ئاماژەی بۆ ئەوەش كرد، تا وەكو ئێستا 10 كەس گیانیان لەدەستداوە و 13 كەسی دیكەش برینداربوون.
