وەزارەتی پەروەردە کارگێری خوێندنگەکان لەبارەی سیستمی ئەلیکترۆنییەوە ئاگادار دەکاتەوە

بەڕێوبەرایەتی گشتی پلاندانانی پەروەردە ئاگاداری کارگێڕی خوێندنگەکان دەکاتەوە سەبارەت بە بەکارهێنانی سیستمی e-Parwarda و ڕایدەگەیەنێت ئەو خوێندکارانەی ئەم ساڵی خوێندن گواستراونەوه، کۆدی بەکارهێنەر  و وشەی نهێنی تایبەت بە سیستەمی ewane  گۆڕاوە ،  پێویستە وشەی بەکارهێنەر و وشەی نهێنییە نوێیەکە بگاتە دەستی خوێندکار.

لە ئاگادارییەکەدا هاتووە، ” ئەو مامۆستایانەی ( هەمیشەیی، وانەبێژ ، گرێبەست ) کە لەم ساڵەی خوێندن لە خوێندنگەیەک  بۆ خوێندنگەیەکی دیکە گواستنراوە ، پێویستە کارگێری خوێندنگای ئێستای کۆدی بەکارهێنەر  و وشەی نهێنی تایبەت بە قوتابخانەی ئەلیکترونی ewane پێبدات”.

بەپێی ئاگادارکردنەوەکە کارگێری خوێندنگەکان (ڕاهێنەری خوێندنگە)  پێویستە بە زووترین کات سەردانی سیستەمی e-Parwarda  بکات بۆ دابەزاندنی ڕاپۆرتی تایبەت بە کۆدی بەکارهێنەر  و وشەی نهێنی قوتابیان  و خوێندکاران و مامۆستایان کە تایبەتە بە خوێندنگەی ئەلیکترونی ewane. بۆ بینینی کۆدی بەکارهێنەر و وشەی نهێنی خوێندکاران و مامۆستایان پێویستە سەردانی بەشی قوتابخانە لە سیستەمی e-Parwarda بکرێت و پاشان بچێتە ناو بەشی ڕاپۆرتی قوتابخانە ، پاشان هەردوو ڕاپۆرتی (ناو و کۆدی بەکارهێنەر و وشەی نهێنی مامۆستایان ) و ڕاپۆرتی (ناو و کۆدی بەکارهێنەر و وشەی نهێنی خوێندکاران) داونلۆد بکرێت.

ئاماژە بەوەشکراوە کارگێری خوێندنگەکان بە هیچ شێوەیەک نابێت کۆدی بەکارهێنەر  ووشەی نهێنی قوتابیان و مامۆستایان کە تایبەتە بە قوتابخانەی ئەلیکترونی ewane لە تۆڕە کۆمەلایەتیەکان بڵاوبکەنەوە.

ئەوەش ڕاگەیەندراوە پێویستە ڕاهێنەرانی سیستەمی e-Parwarda  لە پەروەردە گشتییەکان و پەروەردەی قەزاکان بەدواداچوونی تەواو بکەن لەگەڵ خوێندنگەکانیان بۆ جێبەجێکردنی  هەموو گۆڕانکارییەکانی خاڵە ئاماژەپێکراوەکان.

بابەتی پێشتر

بەزمی مریشك

بابەتی دواتر

بەهۆی کۆترێکەوە گەنجێک گیانی لەدەستدا

بابەتی پەیوەندیدار
Total
1
Share