ڕاهێنەری هەڵبژاردەی فەرەنسا و پاڵەوانی مۆندیالی 2018، دیدیێ دیشامپ جەخت لەوە دەکاتەوە، کە کەریم بنزیمەی فەرەنسی یەکێکە لە ئەفسانەکانی فەرەنسا و جیهان.
دیشامپ لە چاوپێکەتنێکدا بە “RTL”ی ڕاگەیاندووە، “مباپێ یاریزانێکی ناوازەیە، لە گەنجییەوە بانگهێشتی دەکەم، توانای هەیە شتی دیاریکراو لەنێو یاریگادا بکات کە بە باشترین بەهرەکان نەبێت ناکرێت، یاریزانێکی گوێڕایەڵە و کەسایەتییەکی تایبەتی هەیە، بەڵام سەرپەرشتیکردنیشی ئاسان نییە.”
لە وەلامی پرسیارێکدا سەبارەت بە کەریم بنزیمە، دەڵێت، “هەموو کەسێک هەست و لێکدانەوەی تایبەت بە خۆی هەیە، منیش بە هەمانشێوە، پێموایە بە ناسناوە بەکۆمەڵ و تاکە کەسییەکانی هەڵبژاردەی فەرەنسای دەوڵەمەندتر کردووە، ئەگەر ئەو ئەفسانە نەبێت، کەواتە زۆر ئەفسانەی دیکەش ئەفسانە نین.”
ڕاهێنەرەکە لە چاوپێکەوتنەکەدا وەڵامی پڕوپاگەندەکان دەداتەوە و دووپاتیدەکاتەوە، هیچ کێشەیەک لەنێوان بنزیمە و مباپێ-دا نییە، هیچ یەکێکیش لەو دووانەیە نایانەوێت خۆیان وەک سەرکردە دەربخەن، ئەوەش وایکردووە گونجاندن لەنێوانیاندا ڕووبدات.
