بەڕێوەبەرایەتیی هاتوچۆی سلێمانی رایگەیاند گۆڕانکاری لە سیستەمی دەرهێنانی مۆڵەتی شۆفێری کراوە و پێویستی بە چەند بەڵگەنامەیەکە.
بەڕێوەبەرایەتیی هاتوچۆی سلێمانی ئەمڕۆ پێنجشەممە بڵاویکردووەتەوە، “ئاگاداری هاوڵاتیانی خۆشویست دەکەین لە ئێستادا سیستەمی نوێی مۆڵەتی شۆفێری دەرهێنان و نوێکردنەوە پێویستی بە چەند بەڵگەنامەیەک هەیە لەوانەش: بەڵگەنامەی رەسەن (تەسکەرە، رەگەزنامە، کارتی زانیاری، کارتی نیشتیمانی)”.
ئاماژەی بەوەش کردووە، “بۆ نوسینی ناوەکەی بە زمانی ئینگلیزی پێویستی بە پاسپۆرتە ئەگەر پاسپۆرتی نەبوو، پێویستە ناوی خۆی بە دروستی نوسرابێت بە زمانی (ئینگلیزی)”.
باسی لەوەش کردووە، “بۆ تازەکردنەوەی مۆڵەت پێویستی بە مۆڵەتە کۆنەکە و پشکنینی چاو هەیە”.
ئاشکراشی کردووە، “پێوسیت ناکات هاوڵاتیی وێنەی پێبێت، چونکە راستەوخۆ وێنەکان لە بەشی مۆڵەت دەگیرێت و دەخرێتە سەر مۆڵەت جگە لەو بەڵگەنامانەی کە داوا کراوە بە کۆپی رەسەن”.
