وەزارەتی كارەبای هەرێم رایدەگەیەنێت، هاوبەشانی كارەبا لە پیرمام و كۆڕێ ئاگاداردەكەینەوە بەهۆی سووتانی وێستگەی مۆبایلی كارەبای پیرمام ماوەی پێدانی كارەبای سنوورەكە كەمبووەتەوە.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، هاوبەشانی كارەبا لە پیرمام و كۆڕێ ئاگاداردەكەینەوە بەهۆی سووتانی وێستگەی مۆبایلی كارەبای پیرمام، ماوەی پێدانی كارەبای نیشتمانی سنوورەكە كەمبووەتەوە.
لە راگەیەندراوەكەدا هاتووە، تیمەكانی گواستنەوەی كارەبای هەولێر و دابەشكردنی كارەبای پیرمام و كۆنتڕۆڵی كارەبا لەسەر هێڵن و هەر ئەمشەو كارەبای پیرمام چارەسەردەكەن و پێشبینیدەكرێت لە ماوەی 72 كاتژمێریشدا گرفتی كارەبای كۆڕێش چارەسەربكرێت.
