بەپێی پێشبینییەکانی کەشناسی، ئەمرۆ و سبەینێ لە ناوچەکانی هەرێم بارینی باران و بەفر بەردەوام دەبێت، ئەگەری دروستبوونی تەمیش هەیە.
بەڕێوەبەرایەتیی گشتیی کەشناسی و بومەلەرزەزانیی هەرێم لە راگەیەندراوێکدا بڵاویکردەوە، ئەمڕۆ سێشەممە ئاسمان نیمچە هەور دەبێت لەگەڵ بوونى تەم و ئەگەرى نمە باران لەسەر ناوچە شاخاوییەکان، لەسەر هەندێک ناوچەى شاخاوى سنوورى پارێزگاى سلێمانى ئەگەرى نمە بارانى زیاترە بە تایبەت لە دواى نیوەڕۆ لە ناوچە شاخاوییە سنووری و بەرزەکان ئەگەرى بەفر بارین هەیە.
ئاماژە بەوەش دەکات، سبەی چوارشەممە ئاسمان نیمچە هەور دەبێت، لەناوچە شاخاوییەکان ئەگەرى دروستبوونى تەم زیاتر دەبێت و بەردەوام دەبێت .
بەرزترین پلەکانی گەرمای پێشبینیکراو بە پلەی سیلیزی:
هەولێر : 13
سلێمانی : 10
دهۆک : 12
کەرکوک : 16
هەڵەبجە : 11
زاخۆ : 12
سۆران : 8
حاجی ئۆمەران : 0
گەرمیان : 17
