درەنگانی شەوی رابردوو دوو مووشەک لەناو خاکی پۆڵەندا و لە شوێنی نیشتەجێبوونی هاوڵاتیان کەوتونەتە خوارەوە و دوو کەس گیانیان لەدەستداوە.
میدیاکانی پۆڵەندا بڵاویانکردەوە، “درەنگانی شەوی رابردوو دوو مووشەک لە شاری بریۆدۆفی هاوسنووری ئۆکرانیا کەوتوونەتە خوارەوە و بە هۆیەوە دوو کەس گیانیان لەدەستداوە”.
هاوکات لە دوای رووداوەکە بەرپرسانی وڵاتەکە دەستی تۆمەتیان بۆ رووسیا راکێشا و وەزارەتی بەرگری رووسیاش لای خۆیەوە ئەو تۆمەتانەی رەتکردەوە و رایگەیاند، “ئەوەی دەوترێت سوکایەتیپێکردنێکی بەمەبەستە”.
ئاشکراشی کرد، “ئێمە بەرپرس نین لە کەوتنەخوارەوەی ئەو مووشەکانە و مووشەکەکانیش بەرهەمی وڵاتەکەمان نین”.
لە لایەکی دیکەوە و لە بارەی هەمان رووداوەوە، بڕیارە ئەمڕۆ ناتۆ لەسەر داوای حکومەتی وارسۆ کۆبوونەوەیەکی بەپەلە ئەنجامبدات.
