زانایانی زانکۆی میشیگان و زانکۆی ڤێرجینیا، هۆشداریدەدەن لە کۆمەڵێک خۆراک کە بەشێوەیەکی بەربڵاو لە جیهاندا دەخورێن دەخەنە ڕیزبەندییە خۆراکە مەترسیدارەکان و هاوشانی جگەرە دایاندەنێن و دەڵێ، “ئەو خۆراکانە مرۆڤ ئالوودە دەکەن”.
ڕۆژنامەی دەیلی مەیلی بەریتانی بڵاویکردووەتەوە، چپسی پەتاتە، پیزا، دۆنات و خواردنە خێرا هاوشێوەکانی دیکە هۆکارێکی گەورەن بۆ ئالوودەبوونی مرۆڤ هاوشێوەی جگەرە.
بەپێی توێژینەوەکە خواردنە ئامادەکراوەکانی وەک، خواردنە خێراکان هۆکاری ئالودەبوونن، وەک پەتاتەی ئامادەکراو و چپسەکانی پەتاتە، هەندێک جۆری نان و سەموون، پیزا و دۆنات لەو خۆراکان کە لە ڕیزبەندیی جگەرەدان.
توێژەران بە بەکارهێنانی “پێوەرەکانی ئالوودەبوون” گەیشتوونەتە ئەم ئەنجامە، کە ئەو خۆراکانە دەکەونە ڕیزی مەترسییەکانی جگەرەکێشانەوە، خواردنی بەردەوامی خۆراکە پرۆسێس کراوەکان ناتەندروستە و دەبێتە هۆی زیادەڕۆیی لە خواردندا، چونکە ئەم خۆراکانە وەک نیکۆتین کاریگەریی نەرێنییان لەسەر باری دەروونی و تەندروستی هەیە، لەگەڵ ئەوەشدا، ئەم بەرهەمانە هەمان ستانداردی ئالوودەبوونیان لەگەڵ نیکۆتیندا هەیە.
توێژینەوەکە دەڵێت، ئەو خۆراکانە پەیوەندییان هەیە بە نەخۆشییەکانی دڵ شەکرە و قەڵەوی و کێشەی دیکەی تەندروستییەوە.
خۆراکەکان دەپەڕنەوە بۆ تووشبوون بە نەخۆشییەکانی شێرپەنجەی قۆلۆن، کێشەی گورچیلە، بیرچوونەوە.
ئاماژە بۆ ئەوە دەکات، پێکهاتەکانی ئەو خۆراکانە کاریگەریی لەسەر مێشک دروستدەکەن و ئارەزوویەکی زۆر و بەردەوام بۆ خواردنیان لە کەسەکەدا پەیدادەکەن.
