كۆشكی شاهانەی سوید ئەمڕۆ پێنجشەممە 11ی ئازار ڕایگەیاند، “شاژنە ڤیكتۆریا و شازادە دانیاڵی هاوسەری توشی كۆرۆنا بوون.
لە ڕاگەیەندراوێكدا دیوانی شاهانە لە كۆشكی شاهانەی سوید دەڵێت، “شاژنی جێنشینی و شازادەی هاوسەری نیشانەكانی توشبوون بە كۆرۆنایان لەسەر دەركەوتووە، بەڵام تەندروستییان جێگیرە.”
ڤیكتۆریای تەمەن 40 ساڵ شاژنی جێنشینی سویدە و چاوەڕوان دەكرێت دوای باوكی ببێتە شاژنی ئەو وڵاتە، چونكە ئێستا كارلی چواردەیەم كە گۆستاڤی باوكی ڤیكتۆریایە، پادشای سویدە.
كۆتایی ساڵی ڕابردوو، كۆشكی شاهانەی سوید ڕایگەیاندبوو، “شازادە كارل فیلیپ و سۆفیای هاوژینی توشی كۆرۆنا بوون.
