دانوستاندنەکان بۆ نوێکردنەوەی گرێبەستی نێوان چێڵسی و مەیسن ماونت لە دۆخێکی چەقبەستوودایە.
ڕۆژنامەی تەلەگرافی بەریتانی بڵاویکردووەتەوە، گرێبەستی نێوان مەیسن ماونت و چێڵسی دوای 18 مانگی دیکە کۆتاییدێت، جەمسەرەکان لە هاوینی ڕابردووەوە دەستیان بە دانوستاندن کردووە و هیچ بەرەوپێشچوونێک ڕووینەداوە.
ماونت و چێڵسی ئارەزووی ڕێککەوتن دەکەن، لەگەڵ ئەوەشدا مەرجیان بۆ یەکدی هەبووە و ئەو مەرجانە بوونەتە هۆکارێک بۆ پەکخستنی گفتوگۆکان، لەئێستاشدا ئەگەری جیابوونەوەیان هاتووەتە ئاراوە.
ئیدارەی “بلوزی لەندەن”، هەریەک لە لۆرێنزۆ پێلیگرینی یاریزانی یانەی ڕۆما و جێریمی پینۆی یاریزانی ڤیاڕیاڵی وەک جێگرەوەی ماونت دەستنیشانکردووە، ئەگەر بێتو تاوەکو کۆتایی وەرز لەگەڵ ماونت بە ڕێککەوتنێک نەگات.
