سەرچاوەکانی هەواڵ ئاشکرایانکردووە، کە عەمار هەدەفی بۆکسێنەر و ڕاهێنەری عێراقی لە ماڵەکەی بە کوژراوی دۆزراوەتەوە.
ماڵپەڕی “سۆمەریە نیوز” لەزاری سەرچاوەیەکی ئەمنیی عێراقییەوە ئاشکرایکردووە، ئەمڕۆ پێنجشەممە عەمار هەدەفی بۆکسێنەر و ڕاهێنەر لە ماڵەکەی خۆی لەناوچەی زەعفەرانیە لە ناوەندی بەغداد بە چەقۆ هێرشکراوەتە سەری و بە کوژراوی دۆزراوەتەوە، هەروەها براکەشی بەهەمان شێوە چەند چەقۆیەکی بەرکەوتووە و بریندارە.
عەماری بۆکسێنەر ئەندامی یانەی نەجدەی وەرزشییە و لە سکرینی کەناڵە عێراقییەکانەوە چەندینجار دەرکەوتووە، ڕۆڵی ڕاهێنەری لەشجوانی بینیوە و کارەکەی خۆشی یاری بۆکسێن بووە.
سەرچاوە ئەمنیەکە دوای لێکۆڵینەوە و دەستکەوتنی سەرەداوی ڕووداوەکە ئاشکرایکردووە، کە کوشتنی عەمار و بریندارکردنی براکەی بەهۆی کێشەی خێزانییەوە بووە.
