ئەمڕۆ ئاگرێکی گەورە لە دوورگەی ماڵدیڤ کەوتەوە و بەو هۆیەوە تا ئێستا 10 کەس گیانیان لەدەستداوە.
ئاژانسی هەواڵی رۆیتەرز ئەمڕۆ پێنجشەممە بڵاویکردەوە، “ئاگر لە باڵەخانەیەکی مالی پایتەختی ماڵدیڤ کەوتووەتەوە کە ژمارەیەک هاوڵاتیی بیانی تێیدا نیشتەجێبوون”.
ئاماژەی بەوەش کرد، “لە رووداوەکەدا لانی کەم 10 کەس گیانیان لەدەستداوە کە هاوڵاتییانی هند و بەنگلادیش بوون”.
ئەو کەسانەی لە رووداوەکەدا گیانیان لەدەستداوە لەو کەسانەبوون کە وەک کرێکار روویان لە ماڵدیڤ کردووە.
کرێکارانی کۆچبەری باشووری ئاسیا بەشێکی زۆر لە ژمارەی دانیشتوانی ماڵدیڤ پێکدەهێنن، بە هۆی ئەوەی لە وڵاتەکانی خۆیاندا دەرفەتی کار وەک پێویست نییە.
#Breaking: Nine #Indians killed in a fire in #Maldives‘ capital city #Male
The #fire broke out in a lodging for mainly Indian labourers in Male; the fire had originated from a vehicle repair garage on the ground floor#FireVideo #FireAccident pic.twitter.com/72kqtFoEWa
— Siraj Noorani (@sirajnoorani) November 10, 2022
