لە باخچەی ئاژەڵانی سیدنی ئوستورالیا پێنج شێر هەڵدێن و هەڕەشە لەسەر ژیانی چەند گەشتیارێک دروست دەکەن.
بەرپرسی باخچەی ئاژەڵانی سیدنی رایگەیاند، لە بەرەبەیانی رۆژی چوارشەممە پێنج شێر لە سیاجی باخچەی ئاژەڵان هەڵاتوون.
ئاشکراشی کرد، ” لە نزیک ئەو سیاجەی شێرەکان لێوەی هەڵاتوون چەند چادرێکی لێبوون کە لەلایەن ژمارەیەک گەشتیارەوە هەڵدرابوون و ئەو شەوە تێیدا مابوونەوە، راستەوخۆش دوای ئەوەی پاسەوانانی باخچەکە بە رووداوەکەیان زانی ئەو گەشتیارانەیان لەو شوێنە مەترسیدارە دوورخستەوە”.
ئاماژەی بەوەش کرد، ” ئێمە بە دڵنیاییەوە هۆکاری رووداوەکە نازانین، بەڵام بە پێی ئەو گرتە ڤیدیۆیانەی بینیومانەتەوە ، بە ماوەی کەمتر لە 10 خولەک شێرەکان سیاجەکەیان تێکداوە و هەڵاتوون”.
باسی لەوەشک کرد، “دوای ئەوەی حەپی تایبەتی هێورکردنەوەیان پێدرا، بە ئاسانی شێرەکان توانرا بگەڕێندرێنەوە شوێنەکانی خۆیان بێ ئەوەی هیچ زیانێکی لێبکەوێتەوە.
