بەڕێوەبەرایەتیی هاتوچۆی هەولێر بڵاویكردووەتەوە، پشكنینی چاو بۆ دەرهێنان و نوێكردنەوەی مۆڵەتی شوفێری ،لەناو بارەگای بەشی مۆڵەت پشكنینەكان ئەنجامدەدەن، چیتر لە نەخۆشخانەی (هلال احمر) ناكرێت.
فازل حاجی، وتەبێژی بەڕێوەبەرایەتیی هاتوچۆی هەولێر بڵاویكردەوە، سەرجەم هاوڵاتییان و سەردانیكەرانی بەشی مۆڵەتی شوفێری ئاگاداردەكەینەوە كە لیژنەی پشكنینی چاو بۆ دەرهێنان و نوێكردنەوەی مۆڵەتی شوفێری ،لەناو بارەگای بەشی مۆڵەت پشكنینەكان ئەنجامدەدەن.
وتەبێژی هاتوچۆی هەولێر ڕاشیگەیاندووە، چیتر لە نەخۆشخانەی (هلال احمر) پشكنینی چاو بۆدەرهێنان و نوێكردنەوەی مۆڵەتی شوفێری ناكرێت بە تایبەتی لەكاتی دەوامی بەیانیاندا.
