جێگری سەرۆكی ئەنجومەنی وەزیرانی هەرێمی كوردستان لە میانەی كۆبوونەوەیەكی لەگەڵ لیژنەی چارەسەركردنی زیادەڕۆیی لە سلێمانی ڕایگەیاند، لە‌ھیچ كە‌سێك قبوڵناكەن لە‌ھە‌ر پلە و پۆستێكدا بێت زیادەڕۆیی ئە‌نجامبدات.
بەپێی ڕاگەیەندراوێكی نووسینگەكەی، قوباد تاڵەبانی جێگری سەرۆكی ئەنجومەنی وە‌زیران سە‌رپە‌رشتی كۆبوونەوەیەكی كرد لە سلێمانی تایبە‌ت بوو بە چارەسەركردنی زیادەڕۆیی لە‌سە‌ر موڵك و ماڵی گشتی و داوای لە لیژنەی ڕاسپێردراو كرد، ھە‌موو توانای خۆیان بە‌كاربھێنن بۆ ڕێگریكردن لە زیادەڕۆیی نوێ.
جێگری سەرۆكی ئەنجومەنی وە‌زیران، ستایشی ھە‌نگاوە‌كانی لیژنە‌كە‌شی كرد و جە‌ختیكردە‌وە كە دە‌سە‌ڵاتی تە‌واویان ھە‌یە بۆ ڕێگریكردن و چارەسەركردنی پرسی زیادەڕۆیی لە سنووری سلێمانی.
جەختی لەوەشكردەوە، لە‌ھیچ كە‌سێك قبوڵناكرێت لە‌ھە‌ر پلە و پۆستێكدا بێت كە زیادەڕۆیی ئە‌نجامبدات یا ڕێگربێت لە ڕاگرتنی زیادەڕۆیی لە‌سە‌ر موڵك و ماڵی گشتی.
هەر بەپێی ڕاگەیەندراوەكە، قوباد تاڵەبانی داواشی لە‌و لیژنە‌یە كرد كە لە مانگی نیسانی ئە‌مساڵدا پێكھێنراوە، لە‌ماوە‌یە‌كی دیاریكراودا ئە‌م دۆسیە‌یە بە‌تە‌واوە‌تی چارە‌سە‌ربكە‌ن و ماف تە‌نھا بە خاوە‌ن ماف بدرێت.
