ئەمشەو، شەممە یانەی ڕیاڵ مەدرید لە یاریگای سانچێز پێزخوان بردنەوەیەکی گرنگی بەرانبەر ئیشبیلیەی ئەندەلوسی تۆمارکرد.
لە تایمی یەکەمدا ئەستێرەکانی زێدان و لوپێتیگی سەرنجیان لەسەر جموجۆڵە تاکتیکیەکان بوو، یاریگایان بەڕوویدا یەکدیدا داخست، هێرشبەرانی هیچ یەکێک لە دوو جەمسەرەکە سەرکەوتوو نەبوون لە تۆمارکردنی گۆڵ.
لە تایمی دووەمدا و لە خولەکی 56 ئەستێرەکانی شاهانە بە هێرشی هەڵگەڕاوەی ڕێکخراو گووشاریان لەسەر گۆڵی ئیشبیلیەی خانەخوێ دروستکرد و گۆڵی یەکەمیان تۆمارکرد، گۆڵەکەش بە هەڵەی یوسف بونۆی گۆڵپارێز تۆمارکرا.
بە درێژایی ماوەی تایمی دووەم، یاریزانانی لوپێتیگی لە ڕووەکانی هونەری و تاکتیکیەوە وەک جەمسەری بەهێز دەرکەوتن، بەڵام سەرکەوتوو نەبوون لە ڕەخساندنی هەلی ڕاستەقینەی گۆڵکردن و یارییەکە بە گۆڵێکی بێوەڵام کۆتاییهات.
بەپێی ئەنجامە تۆمارکراوەکە، شاهانەی مەدرید بە کۆکردنەوەی 20 خاڵ پلەی سێیەمی ڕیزبەندی لالیگایان گرتەوە، هەروەها یانەی ئیشبیلیە بە 16 خاڵەوە لە پلەی پێنجەمی ڕیزبەندی جێگیربوون.
