بەهۆی بارانبارینەوە ئاستەنگیی هاتوچۆ لەسەر رێگای سلێمانی – دەربەندیخان دروستبووە و ژمارەیەكی زۆری ئۆتۆمبێل گیریانخواردووە.
جاسم عەلی خان بەڕێوەبەری هاتوچۆی دەربەندیخان بە تۆڕی میدیایی ئێستای راگەیاند، رێگای سلێمانی – دەربەندیخان و بە تایبەت رێگای سەرشاخی بەرانان كە كراوە بە جێگرەوەی رێگای ناو تونێلی دەربەندیخان، بەهۆی بارانبارینەوە گرفتی هاتوچۆی لەسەر دروستبووە.
ئاشكرایكرد، بەشێك لە هەردوو دیوی رێگاكە داڕماوە و بەهۆی رژانی سووتەمەنیی لە هەندێك بارهەڵگرەكانیشەوە، شەقامەكە خلیسك بووە و بە شێوەیەكی كاتی بۆ هاتوچۆكردن گونجاونییە و مەترسیدارە.
بەڕێوەبەری هاتوچۆی دەربەندیخان لە لێدوانەكەیدا بۆ تۆڕی میدیایی ئێستای وتیشی، بەهۆی خلیسكبوونی بەشێكی شەقامی سەرشاخی بەرانانەوە، ژمارەیەك بارهەڵگر پەكیانكەوتووە و ناتوانن هاتوچۆبكەن و داوای لە شۆفێرانی بارهەڵگرەكان كرد لەم كاتەدا ئەو رێگایە بەكارنەهێنن.
