بەڕێوەبەری هۆبەی شێرپەنجە لە بەڕێوەبەرایەتیی تەندروستیی نەجەف ئاشکرایدەکات، لە پارێزگاکەیان چوار حاڵەتی شێرپەنجەی مەمک لە پیاواندا تۆمارکراوە.
سندوس عەبدولعادل حەمدانی ڕایگەیاندووە، بەشێکی تووشبووانی شێرپەنجەی مەمک لە پیاواندا ئەوانەن کە قەڵەون و چەوری لەدەوری مەمکیان کۆبووەتەوە، زۆرینەی تووشبووەکان لە هۆڵەکانی لەشجوانی هۆرمۆناتیان وەرگرتووە بەبێ راوێژی پزیشک و چاودێری.
ئاماژەی بەوەکردووە، زۆر هۆکار پاڵنەرن بۆ تووشبوون بە شێرپەنجەی مەمک، لەگەڵ ئەوەشدا شێرپەنجەی مەمک لە پیاواندا بە مەترسیدار و کوشندە دەناسرێت، بەتایبەت کە پیاوان ڕاوێژ بە پزیشک ناکەن و پشکنینی نەخۆشییەکە ناکەن.
