زانایان: پەتایەكی تری كوشندە لە چینەوە بەڕێوەیە

18 جۆری نوێی ڤایرۆسی مەترسیدار لە چین دۆزراونەتەوە و زانایان ترسیان هەیە لەوەی چین ببێتە شوێنی سەرهەڵدانی پەتایەكی نوێ كە هاوشێوەی تاعون كوشندە بێت.

ڕۆژنامەی زە سەن ئەنجامی لێكۆڵینەوەیەكی زانستیی نوێی بڵاوكردەوە و تاقیكردنەوەكان دەریانخستووە لە 12 جۆر ئاژەڵدا كە لە بازاڕەكانی چیندا دەفرۆشرێن، 71 جۆری ڤایرۆس هەن كە 18یان “ئێجگار مەترسیدارن” بۆ مرۆڤ و ئاژەڵەكانی دیكە.

ئێدوارد هۆڵمز زانای زیندەزانیی پەرەسەندن لە زانكۆی سیدنی لە ئوسترالیا دەڵێت، “لێكۆڵینەوەكەیان ئاشكرایكردووە ترس هەیە لەوەی ژیانی دەشت و دەر و بازاڕی ئاژەڵ و گۆشت ببنەهۆی سەرهەڵدانی پەتایەكی تری كوشندە لە چین”.

ئەوەی وایكردووە زانایان بەگومانبن، دۆزینەوەی جۆرێك ڤایرۆسە لە ئاژەڵێكدا كە هاوشێوەی پشیلەیە و لە چین بەربڵاوە، زاناكان دەڵێن هەمان ئاژەڵ یەكێكە لەو ئاژەڵانەی كە ساڵی 2002 ڤایرۆسی سارسیان لە شەمشەمەكوێرەوە گواستەوە بۆ مرۆڤ، بۆیە ترسیان هەیە لەوەی ئەو ئاژەڵە ببێتەهۆی سەرهەڵدانی پەتایەكی مەترسیدار و كوشندە.

بەپێی لێكۆڵینەوەكە، ئەو پەتایەی ترسی سەرهەڵدانی هەیە، پێدەچێت وەك تاعون بێت كە لە سەدەی ڕابردوودا 75 ملیۆن كەسی كوشت.

بابەتی پێشتر

(BMW) کڕینی کۆمپانیای ماکلارینی ڕەتکردەوە

بابەتی دواتر

بەریتانیا تەقینەوەكەی لیڤەرپوڵ بە "تیرۆریستی" ناودەبات

بابەتی پەیوەندیدار
Total
0
Share