ڕاپۆرتێکی نێودەوڵەتی ئاشکرایدەکات لە ماوەی 50 ساڵی ڕابردوودا ژمارەی گیانلەبەرانی سەر ڕووی زەوی بە ڕێژەی %68 کەمیانکردووە.
بە پێی ڕاپۆرتێكی نێودەوڵەتی نوێ کە بڵاوکراوەتەوە، “لەماوەی 50 ساڵی ڕابردوودا ڕێژەی گیانلەبەرەکانی سەر زەوی لە شیردەر و باڵندە و ماسییەکان بە ڕێژەی %68 کەمیانکردووە، کێشەی گەورەش ڕووبەڕووی گیانلەبەرە ئاوییەکان بووەتەوە کە لە ساڵی 1970 وە بە ڕێژەی %84 کەمیانکردووە.
هەر بە پێی ڕاپۆرتەکە زۆرترین ژمارەی ئاژەڵان لە ئەمریکای باشوور و ناوەڕاست لەناوچوون کە ڕێژەی %90 ی پێکدەهێنن.
پیسبوونی ژینگە و مامەڵەی نادروست و ڕاوکردن و گۆڕانی ئاو و هەوا بەشێکن لە هۆکارەکانی لەناوچوونی گیانلەبەران لەسەر زەوی وەک لە ڕاپۆرتەکەدا هاتووە.
بەشێک لەو ئاژەڵانەی لە ئێستا لەژێر هەڕەشەی لەناوچووندان، بریتین لە (بەرازی دەریا، ئاسکی سایگا، پڵنی ئەوپەڕی ڕۆژهەڵاتی ئاسیا) جگە لە چەند جۆرێکی دیکەی ماسی.
