یانەى مانچستەر سیتی گرێبەستی فۆدینی تا ساڵی 2027 درێژ کردۆتەوە.
فۆدین لە ئەکادیمیای یانەى مانچستەر سیتی گەورە بووە و بووەتە یاریزانێکی سەرەکی مانچستەر سیتی لە ژێر دەستی گواردیۆلادا.
فۆدین لە لێدوانێکیدا وتی: خەونەکەم هاتە دی، هیچ وشەیەکم بۆ نایەت کە چەند دڵخۆشم بەو نوێکردنەوەیە.
فۆدین دەڵێت من لە منداڵییەوە هاندەری مانچستەر سیتی بووم و ماوەیەکی زۆرە لێرە ڕاهێنان دەکەم و تۆپم هێناوەتەوە، کاتێکیش گرێبەستەکەم تا ساڵی 2027 درێژ دەکرێتەوە زیاتر دڵخۆشم دەکات.
سوپاسی گواردیۆلاشی کرد کە بەهۆی ئەوەوە ماوەیەکی زۆر باش دەردەکەوێت و لە گەشە کردنی بەردەوامدایە.
