وتەبێژی یەكێتی ڕایدەگەیەنێت، كاندیدی فەرمی حزبەكەیان بۆ پۆستی سەرۆك كۆمار بەرهەم ئەحمەد ساڵح-ە.
سۆران جەمال تاهیر، وتەبێژی یەکێتیی نیشتمانیی کوردستان لە روونكردنەوەیەكدا بۆ رای گشتی رایگەیاند، بۆ ھەموو لایەکی رووندەکەینەوە کە کاندیدی رەسمی یەکێتی بۆ پۆستی سەرۆک کۆمار بەرھەم ساڵح-ە.
ئەوەشی وت، “دەمانەوێت لەڕێی پۆستی سەرۆک کۆمارەوە خزمەتی ھەموو لایەک بکەین و پارێزەری دەستوور و مافە نەتەوەییەکان بین”.
روونكردنەوەكە لەكاتێكدایە ئەمڕۆ لە ژمارەیەك میدیا و تۆڕە كۆمەڵایەتییەكاندا دەنگۆی كشانەوەی كاندیدی یەكێتی بۆ پۆستی سەرۆك كۆمار و پێشكەشكردنی كاندیدی جێگرەوە و هاوبەش بڵاوكرایەوە.
بڕیارە سبەی ئەنجومەنی نوێنەرانی عێراق دانیشتنی هەڵبژاردن بۆ پۆستی سەرۆك كۆمار ئەنجامبدات.
