تۆڕی شەمس بۆ چاودێریی بانگەشەی هەڵبژاردن رایگەیاند، زۆرترین پێشێلکاری لە بانگەشەی هەڵبژاردن لە پارێزگای هەولێر بووە لە سەرانسەری عێراقدا.
تۆڕەکە ئاماژەی بەوەکردووە، بەر لە دەستپێکی بانگەشەی هەڵبژاردن لە تەواوی عێراق، 301 پێشێلکاری تۆمارکراون و لە دەستپێکی بانگەشەشەوە تاوەکو دوێنێ چوارشەممە، 309 پێشێلکاری تۆمارکراون.
ئاماژەی بەوەشکرد، لەسەر ئاستی عێراق، لە هەولێر زۆرترین پێشێلکاری کە ژمارەیان 57 پێشێلکارییە و دوای ئەویش، ئەنبار و پارێزگاکانی دیکە دێن.
ئەوەشی خستووەتەڕوو، لەو 57 پێشێلکارییەی لە هەولێر تۆمارکراون دیارترینیان ئەمانەن:
– دڕاندنی وێنەی کاندیدان.
– وتنی قسەی نەشیاو لەلایەن بەشێک لە کاندیدانەوە بە یەکتری.
